Nombramento

José Fernando Rodríguez de Azero, novo presidente de Corporación Mutua

O actual presidente de MAC MUTUA DE ACCIDENTES DE CANARIAS, José Fernando Rodríguez de Azero y del Hoyo, foi designado novo presidente de Corporación Mutua, primeiro grupo mutual do país e primeira entidade mancomunada do sector de mutuas de accidentes de traballo e enfermidades profesionais. A vicepresidencia de Corporación Mutua ostentaraa Remigio González Martínez, presidente de CESMA, MUTUA DE ANDALUCÍA Y DE CEUTA. Ambos cargos serán vixentes ata xaneiro de 2013.

José Fernando Rodríguez de Azero é presidente de MAC MUTUA DE ACCIDENTES DE CANARIAS desde o ano 2010. Tamén foi presidente de ASINCA (Asociación Industrial de Canarias), do Consello Social da Universidade de La Laguna e da CEOE-Tenerife, ademais de membro do Comité Executivo da CEOE Nacional, e foi director xeral para Tenerife e director de Marketing para España da multinacional americana International Paper Company, entre outros. Actualmente, compaxina a presidencia da MAC coa de Arico 99, unha Sociedade de Capital Risco formada por máis de 40 empresarios canarios.

José Fernando Rodríguez de Azero substitúe no cargo a Ángel Nicolás, actual presidente de SOLIMAT. A designación do presidente realízase de forma rotatoria e con periodicidade anual entre as distintas mutuas que compoñen a Entidade, isto é, CESMA-MUTUA DE ANDALUCÍA Y DE CEUTA, IBERMUTUAMUR, MAC-MUTUA DE ACCIDENTES DE CANARIAS, MC MUTUAL, MUTUA GALLEGA, MUTUALIA, SOLIMAT e UNIÓN DE MUTUAS. Así mesmo, renováronse nos seus cargos Heraclio Corrales, coma xerente da Entidade e Julio Megía, coma adxunto ó xerente.

Corporación Mutua é o primeiro grupo mutual do país por redes de servizo, con 324 centros propios distribuídos por todo o territorio español, e o segundo por recadación de cotizacións sociais. Ademais, conta con 380.000 empresas asociadas e presta cobertura a 3.210.000 traballadores.

D. José Fernando Rodríguez de Azero


D. Remigio González Martínez